مملحات صابلي مالح ب كريات الدجاج بالجبنة
★الوصف★
عجينة السابلي :
250غ مارغرين
30غ سكر رطب
حبة بيض كاملة وصفار بيضة
ملح ، قرصة خميرة الحلوى
معدنوس مقطع قليلا ( اختيارية )
الفرينة حسب الحاجة .
طريقة التحضير
نجمع كل هذه المقادير ثم نذرذر الفرينة في مكان العمل نورق سمك متوسط ونقطع دوائر.
ندخلها في فرن 180درجة حتى تكسب لونها الذهبي و نتركها تبرد .
2 كروكات الدجاج :
قطعة من صدر الدجاج
قطعة بصل ، سنينة ثوم نقسمها إلى نصفين
ورقة رند
ملعقة كبيرة من زيت
ملح ، فلفل أسود ، سكين جبير
ملعقة صغيرة من خردل
حبة بطاطا نغليها في الماء
طريقة التحضير:
في طنجرة نضع فيها زيت، البصل ،الثوم ،قطع الدجاج،رند،الموتارد والتوابل ثم نمرق بالماء و نتركه يطهى حوالي 20دق .
نطيب البطاطا ثم نقشرها ونطحنها ساخنة نضيفلها ملعقة صغيرة من الزبدة قرصة ملح وفلفل أسود .
بعدما نضج الدجاج نصفيه ونقطعه ساخن إلى قطع صغيرة جدا نضعه في اناء لي فيه البطاطا نضيف ملعقة كبيرة لاشابلوغ و نخلط الكل ثم نشكل كرات متساوية حوالي 25غ ونضع في الوسط قطعة الجبن متزرلا و نغلق جيدا ونضعه في صحن ثم ندخله في الثلاجة ساعتين أو أكثر ليتماسك جيدا .
الان نضع صحن الفرينة و لاشابلوغ مع صحن آخر فيه بيضة مخفوقة .
نرمد الكرات في الفرينة اولا ثم نضعها في البيض ومباشرة في لاشابلوغ .
نسخن الزيت ثم نخفض من حدة النار إلى المتوسطة ونقلي حبات الكروكات حتى تكسب لونها الذهبي.
الآن جهزنا عجينة السابلي و الكروكات ناخذ جبن طري نضع في حبة السابلي قليلا في الوسط وفوقها كرة الدجاج ونزين بوردة مصنوعة بجبن خاص للساندويش ونضع عود خشب ونضغط حتى نصل إلى السابلي .
وبهذا تحصلنا على مقبلة لذيذة وحتى شكلها يشهي و شهية طيبة للجميع.
