السلام عليكم
جوزة مالحة للمقبلات
عملتها محشيه بكريمة الدجاج حاجه جديدة و بنيينه ، الي ماعندهاش مكينة نفس المقادير و الحشو تعملوا بيهم ترتلات
للعجين:
350 غ فرينة
170 غ زبدة طرية
2 م ك زيت
1/2م ص ملح
بيض كامل
1/2م ص اعشاب عطرية ( اكليل و زعتر)
ترمل الفرينة مع الزبده و الزيت و بقية المكونات و تجمع بالبيضه دون عجن
ترتاح 10دق في الثلاجة و تشكل كرات 10غ و تطبخ في مكينة الجوزة (او قوابل التارت و تثقب و تطبخ في الفرن على بياض )
موس الدجاج
300 غ صدر دجاج مطبوخ ( تقطعه و تقليه مع بصله صغيره مفرومه و تبله ملح و فلفل اسود و بهارات دجاج و ماء حتى يطيب و تجف سوائله) يبرد ويُفرم
تعمل صلصة بشاميل ( 50 غ فرينة تحمصهم في 50 زبده و تضيف 500 مل حليب دافي بالتدريج مع التحريك و تبل ملح و فلفل اسود)
تضيفلها و هي ساخنه 50غ جبن ابيض او 4جبن مثلثات
تخلط المزيج مع الدجاج و تحطه في جيب حلواني و تحشي بيه الجوزة و تزين الحواف بالمعدنوس و صحه وعافيه
