ارز بالكريمة والدجاج
في قدر حطي دجاج ليكان متوفر عندك نضع زوج مغارف كبار تاع الزبدة وشوية تاع زيت وقليه مليح حتى يحمار وبعدها مرقيه بالماء ساخن وعود صغير تاع قرفة وملح وفلفل اسود وسكنجبير وورق تاع الرند وخليه يطيب وشوية تاع زعفران وجيبي كاس تاع أرز شليه مليح وخليه يقطر ومنبعد ديريله شوية تاع معدنوس وشوية تاع قصبر مقطع رقيق وثوم رابي وخليه كي تشوفي دجاج تاعك طاب قلعيه من المرقة وخلي قد قيس أربع كيسان تاع مرقة وفرغيها فوق الأرز وخلطيها مليح مع ثوم والحشيش وحطيه في مول ودخليه للفرن وخليه يطيب ويتشرب كامل المرقة ومنبعد خرجيه وديريله داك دجاج يكون مفتت وخلطيهم وزيدي أربع حبات بيض مع علبة كريمة طازجة ومغرف تاع مايونيز او فرماج طري كيما تحبي او ضيفيهم في زوج مع شوية فلفل اسود وشوية ملح وكبيهم فوق الأرز وزيديلهم فرماج رابي من فوق ودخليهم للفرن
