بقلاوة بعجينة الفيلو الجاهزة
ثلاث كيلات كاوكاو محمص ومرحي كما الكسكس ضفيلهم ثلاث ملاعق كبيرة سكر شوية قرفة او فانيليا نص فنجال ماء الزهر وتخلطهم لازم يكون كما الكسكس مزربع ملزمش يتعجن
نحل عجينة الفيلوا نحي زوج ورقات نحطهم وندهنهم بالسمن الذايب نحط فطرف الورقة عصا رقيقة ونقلب العجين بحوالي خمسة سنتيم وفوق هذ الطية نحط الحشو ونبدا لوي بدون ضغط منبعد نحاول نكمشها بوضع يد فطرف واليد الاخري فطرف الآخر ونحطها فصنية ونسحب العصا ونستفها وندهنها ونكمل علي هذ الطريقة حتي نكمل كل الكمية منبعد ندخلهم الفرن لي يكون سخون من قبل وبعد متحمار ملتحت نشعل لفوق باش تحمار كي نخرجها نعسلها و هي سخونة بعسل بارد مخفف بشوية ماء زهر
للإفادة السمن يخليها تتقرمش وكذلك لعسل بدون اي اضافة
