وصفة قريوش
الكيلة المستعملة هي كاس نتاع 250مل
الوصفه:
3كيلات فرينة
نصف كيلة نشاء
نصف كيلة مرغرين ولا سمن ذايب وبارد
صفار بيضة
مغرف كبيره خل باش يمد اللون الذهبي
رشة ملح،فاني ،ملعقة صغيرة خميرة الحلوى
ماء+ماء الزهر
عسل وجلجلانية للتزيين
👈الطريقة:
نحط الفرينة مع النشاء ورشة ملح والفاني والخميرة والسمن الذايب والبارد ونفرك جيدا باليد ثم نضيف صفار البيضة ونفرك ومن الاحسن نسير الخليط في السيار هكذا نتاكدو ان ماكانش تكتلات وبعدها نلمها بالماء وماء الزهر حتى نتحصل على عجينة متماسكة نشكلها كويرات ونغطيها ونخليها ترتاح حوالي نص ساعة
ناخذ كويرة نبسطها بالحلال ونرققها في الماشينة حتى الرقم ما قبل الاخير ومرة على مرة نرش شوية نشاء
نطبقها كيما نعملو في العجينة المورقة ونعاود نفوتها في الماشينة ونكرر نفس العملية وهذا لي يخلي القريوش مورق ويذوب في الفم
بعد ما نرققها نقطع بالجرارة مستطيلات كبار .. العرض تاعهم 12سم ونقطع. 20خط بالجرارة
نطبق المستطيل على اثنان
ثم نعاود نطبقو على اثنان ومن بعد نفتحها شوية في المنتصف ونقوم بتمرير الجانب العلوي في الوسط ونخرجوه
👈بعدها نقليهم في زيت يكون سخون مليح والنار ناقصة ونقلي بالحبة وكل مانحط حبة نرمي عليها الزيت بالملعقة باش تتنفخ
بعدها نحطهم يقطرو ويبردو ثم نعسلهم في عسل مسخن مع شوية ماء الزهر لازم يكون ثقيل شوية باه القريوش يبقى مقرمش ونزين بالجلجلانية محمصة
و الف صحة