8 وصفات صلصة المايونيز في المنزل
1) كاس زيت معمر تاع 250 ملل حبة بيض ملعقة كبيرة خل شوية ملح معدنوس حطي المكونات مع بعض و خلطي بالميكسور
2) حبة بيض ملعقة كبيرة خل شوية موطارد شوية ملح شوية فلفل أسود فص ثوم كأس زيت حطي كلش مع بعضاه وطلعي بالميكسور دقيقة يطلع تقدري تزيديلو ليمون باه تخفيه البيضة تكون باردة
3) مايوناز بدون بيض نصف كاس حليب بارد جدا
2 حبات فرماج ملعقة صغيرة موطارد كاس زيت
مغرفة صغيرة ملح نصف ملعقة صغيرة فلفل اسود
مغرفة صغيرة خل أبيض نجيب طاس تاع الميكسور ونحط الحليب والفرماج وموطارد ونزيد الزيت على دفعات ونميكسي من تحت للفوق ونقعد نفرغ الزيت بالشوية حتى يطلع المايوناز من بعد نزيد الملح والخل ونزيد نخلط مدة دقيقة تقدري تزيدي المنكهات لي تحبي مثلا فصين ثوم معدنوس
4) مايونيز فرنسية : باش جيك مايونيز بنينة ديريها بصفار البيض جيك هايلة ديري حبة صفار و ملعقة صغيرة خردل ملح و فلفل أسود فص ثوم الخل ولا القارس و طلعيها بالزيت زيديه غير بالشوية حتى تثقال وزيدي رشة زعيترة
5) حبة بيض كأس زيت 2 ملاعق كبيرة خل 3 حبات فرماج وخلطي كلش بالميكسور مع بعض
6) مايونيز البطاطا : حبة بطاطا مقطعة مكعبات صغيرة ومغلية في الماء نصفيها ونرحيها هي سخونة من بعد نحطها في طاس نزيدلها حبة بيض قرصة ملح قرصة فلفل أكحل 3 حبات فرماج نخلط بالميكسور ونضيف الزيت بالشوية وراني نطلع في المايوناز والزيت ديرو على حساب القوام لي تحبوه
7) مايونيز بالحليب : 3 حبات فرماج كأس شاي حليب ملعقة كبيرة خل في ثوم ملح فلفل أكحل نخلط كلش ونبدا نزيد في الزيت بالشوية
8) مايونيز صحي : 2 حبات بيض مسلوق 4 حبات فرماج 4 ملاعق كبيرة زيت الزيتون رشة ملح ملعقة صغيرة موطارد فص ثوم عصير نصف ليمون ونخلط بالميكسور