دزيريات جوز الهند وصفات حلويات عيد الاضحى
وصفة جزائرية سهلة و اكيد ناجحة تحمرلك وجهك فالمناسبات
العجين
4 كيلات فرينة
كيلة خليط سمن و زيت بالصح الاكثرية زيت
قرصة صغيرة ملح
نبسسهم و نلم العجين بخليط بين ماء الزهر و الماء و نخلي لعجينة تريح
الحشو
3 كيلات جوز الهند
كيلة ناقصة اصبع سكر
مبشور الليمون
ملعقة مربى مشمش اختيارية
رشة صغيرة خميرة الحلويات
ملعقة صغيرة زبدة
نخلط كل المكونات مع بعض و نطمها بالبيض حتى نتحصل على كرية مطمومة لكن ماشي جارية ( البيض نحط غير بالشوية ماشي بالحبة كاملة باش الحشو ما يجيش جاري و نحط حبة بيض كاملة امبعد صفار حبة بيض امبعد صفار )
نحل لعجينة رقيقة و نحطها في قوالب الدزيريات و نثقبها بعود الأسنان و نعمرها بالحشو ما نفيضهاش نعمرها مستوية ( نقدر نخدم اشكال بالعجين و نزين بيهم الوجه مثل وردات او ورقات )و ندخلها تطيب من تحت و من فوق كي نخرجها نشربها بشاربات تكون باردة و نلصق فيها فصوص فضية عند التقديم ندهن الوجه بشوية شاربات باش تمد لمعان و اذا حبيت نزيد براق غذائي
ديري اوكي يلحقلك جديد الوصفات