بريوش بكريم باتيسيير و لا اروع
المقادير
3 کیسان من الدقيق
3 معالق كبارين سكر
1 ملعقة كبيرة خميرة الخبز
1 خميرة د الحلوى
بيضة واحدة
3 معالق كبارين دانون مسوس
قبصة ملح
الفاني
حليب دافئ لعجن العجين
2 معالق كبارین زبدة
نخلط الطحين والخميرات وسكر والبيضة ودانون وملح والفاني ونعجنو وإذا بقا قاسح بزاف نزيدو شوية د الحليب ونعجنو خصو يكون قاسح شوية حيت غادي نزيدو الزبدة کیخفاف ملي نعجنوه نزيدولو الزبدة ونعجنوه مزيان ادا بقا خفيف بزاف نزيدولو شوية د الطحين من بعد نخليواه يخمر ساعة ونطلقواه فوق طاولة مرشوشة بالطحين
ونقطعوه دوائر و نعمرو الدائرة من الوسط صافي بكريم
باتسيير ونخليو الحواشي خاويين وندهنوهم بالماء من بعد نشقو دائرة اخرى بموس او جرارة البيتزا (فحال الصور من بعد نعملوها فوق الدائرة الي معمرة بالكريمة ونضغطو عليها بيدنا ماش تتسد في دك الحواشي الي مذهونين بالماء وهيدا حتى نكملو الدوائر (انا العجين الي
جمعتو ملي قطعت منو الدوائر عملت بيه شكل آخورد الكرواصات) من بعد نخليوهم يخمرو مرة اخرى شي ربع ساعة او عشرين دقيقة من بعد ندهنوهم بالبيضة مع شوية دالحليب وندخلوهم الفرن ملي يطيبو مرو نخرجوهم ونخليوهم يبردو من بعد نرشوهم بالسكر كلاصي أو ندهنوهم بالمربي د الخوخ او العسل ونرشو
عليهم المكسرات مهرشلة.
كريم باتسيير
نصف لترود الحليب
3 معالق كبارين سكر او اقل على حسب الذوق
بيضة واحدة
2 معالق كبارين مايزينة
الفاني
نخلطو كلشي ونعملوها فوق النار مع التحريك المستمر حتى يعقاد