طريقة ترقيد زيت الزيتون
طريقة ترقيد الزيتون بالطريقة التقليدية صحية واقتصادية..
نغسلو الزيتون الأخضر مليح بعدما نفرزو الحبات حسب التدرج اللوني ( اخضر ، اسود ، بنفسجي ) ونجرحوه خفيف بالسكين أو ندڤوه بحجرة باش تخرج المرارة، نحطوه في ماء عادي ونبدلوه كل يوم من 7 حتى 10 أيام حتى يروح المرّ، بعدها نحضرو محلول الملح بنسبة 10٪ (لكل لتر ماء نزيدو حوالي 100غ ملح خشن) ونضيفو شرائح ليمون، زعتر، ثوم وبسباس مقطع وخضر اختيارية ..
نحطو الزيتون في بلارات زجاجية، ونغمرها بالمحلول الملحي حتى يتغطى كامل ونزيدو طبقة رقيقة من زيت الزيتون من فوق باش نحافظو عليه من التعفن، نغلقو العلب بإحكام ونخبيوها في مكان بارد ومظلل من اسبوعين حتى شهر
وهكذا نحصلو على زيتون طبيعي بطعم لذيذ ونكهة أصيلة، بدون مواد مضرة وبطريقة تحفظ قيمتو الغذائية
#دار_العولة_الصحية
#العولة_الجزائرية