المطلوع المنفوخ
★الوصفة★
300غ فرينة
3 ملاعق كبار زيت
ملعقة كبيرة سكر
ملعقة كبيرة خميرة الخبز
ملعقة صغيرة ملح
نصف كاس حليب دافئ
نصف كاس ماء
طريقة التحضير:
في إناء نحط الفرينة السكر و الخميرة و الزيت الملح نخلطهم و نزيدلهم الحليب الدافئ ونبدا نلم من بعد نولي نزيد بالماء غير بالشوية حتى تولي عجينة تتلصق شوية فاليد مشي بزاف نعجنها مدة 5د حتى تولي العجينة رطبة نغطيها نخليها تخمر 20د.
بعد ما تخمر نقسمها على 8 و نخليها ترتاح 5د.
بعد ما ترتاح نحلو بالحلال الخبزة تجي صغيرة شوية و فالحل ما ترقوهاش باش تطلع كي تكون طيب نحلو الخبزات يريحوا وحد 5د و نبداو نطيبو لانوا راهي السخانة تخرجهم الخمورية.
طريقة الطبخ:
الصح كامل فالطياب انا طيبتهم ف مقلاة الكريب
لازم تحطوا الخبزة 15ثانية و تقلبوها ما تمسوهاش حتى تتنفخ كامل
ملاحظة:
لازم ما ترقوش العجينة باش تتنفخ لانو كون تكون رقيقة الهوا مكاش وين يتشكل تتثقب
