ميلفاي منزلي
وصفة العجينة المورقة السحرية
8 كيسان فرينة + 8 ملاعق زيت + 4 ملاعق خل + ملح حسب الذوق و نجمع بالماء البارد حتى نتحصل على عجينة طرية و نتركها ترتاح على الأقل 10د
الطريقة : نفتح العجينة طويلة و عريضة ثم نكرفجو او نبشر عليها 500غ زبدة التوريق و نلويها من بعد نزيدو نفتحوها و نطويها على 3 و نكرر العملية مرتان ثم نقسمها في الوسط و تمت نلاحظو التوريق و نكونو نجحنا فيها
الكريمة ما بين الطبقات
ديري نصف لتر حليب
3مغارف كبار سكر
3مغارف كبار مايزينة
حركيهم باردين وحطيهم حتى يخثارو عالنار فالاخير حطي لافاني وكي تنحيها مالنار دير مغرف زبدة او ماارغارين وخليها تبرد بعد ما تغطيها
قلاصاج او طلية ميلفاي
اما بالنسبة للطبقة الاخيرة كاس سكر ڨلاص وشوي حليب خبطيها مليح ولازم يكون قوامها متماسك وزيدي غصرة قارص....وبالتسبة للخطوط السوداء انا درت شكولا نواغ وكاين لي هداك الخليط تع سكر ڨلاس يزيدلو كاكاو ....ويدير خطوط.....
ملاحظة
العجينة مورقة طيبي 3طبقات
كل طبقة وحدها ولازم تثقبيها مليح وتحطي فوقعا پلا وحدوخر باش متطلعش ومتتنفخش....